Luftë bandash në burg, vriten 2 persona, plagosen 11 të tjerë

Një luftë e “frikshme” bandash është raportuar në një burg në Ekuador, ku për pasojë kanë mbetur të vdekur 2 të burgosur dhe 11 të tjerë janë plagosur. Mësohet se nga këto trazira, disa të burgosur tentuan të arratiseshin.

Sipas mediave, forcat e ushtrisë arritën të neutralizojnë situatën më pas. Drejtori i policisë tha se të burgosurit dolën në tarracat e burgut dhe qëlluan me armë në drejtim të një bande rivale.

Ndërkohë që banorë pranë burgut rrëfejnë se kishin dëgjuar të shtënat rreth orës 22:00 të mbrëmjes së të hënës, të cilat zgjatën deri në orët e para të së martës.