Bashkëpunoi në vrasjen e 80 personave në Francë, bie në pranga 28-vjeçari nga Shqipëria

Një 28-vjeçar nga Shqipëria është arrestuar, si bashkëpunëtor i masakrës në korrik të 2016 në Nicë, ku mbetën të vdekur 80 persona. Mediat franceze shkruajnë se shtetasi Endri Elezi, ra në prangat e policisë në Sparanise, në provincën e Caserta-s në shtetin italian, pasi ishte në kërkim nga autoritetet franceze.

Sipas mediave, Elezi ishte përgjegjës për furnizimin me armë të autorit të masakrës, Mohamed Lahouaiej Bouhlel. I riu u identifikua nga agjentët e Digos të Napolit dhe Caserta, të koordinuar nga zyra e prokurorit të Napolit, falë informacionit të mbledhur nga Antiterrorizmi.

Kujtojmë se 5 vite më parë, në Nicë humbën jetën mbi 80 persona ndërsa qindra të tjerë u plagosën teksa një kamion qëlloi mbi turmën e mbledhur për të festuar ditën e kombëtare të 14 korrikut.