Administratori i Vaqarrit akuzon PD-LSI: Dhunuan dhe nuk lejuan ndarjen e ushqimit në vaktin e iftarit

Gentian Myrta, administratori i Vaqarrit, ka akuzuar së fundmi LSI dhe PD, se kanë penguar cceljen e iftarit në këtë zonë. Përmes një postimi në Facebook, Myrta shkruan se persona të caktuar të PD dhe LSI, kanë ushtruar dhunë dhe nuk kanë lejuar ndarjen e ushqimit, teksa 100 banorë të fshatit Ibra prisnin të hanin iftarin.

“100 banorë të lagjes Ibra, në Vaqarr, sot presin të çelin iftarin, falë dhe bujarisë së shoqatës Firdeus. Por dhuna e ushtruar nga Florenc Hoxha dhe “krushqit e tjerë të inatosur” të shpurës së dhëndrit Basha, ndaj djemve shërbëtorë, e ka ndaluar shpëndarjen e ushqimit.

Marrëzia e presidentit nuk ka fund. Si mundet t’u mohosh besimtareve bujarine e Zotit? Apo edhe iftari duhet shperndare me dekret presidencial?”, shkruan Gentian Myrta.