Tensione me Rusinë, Ukrahina dekreton ligjin që lejon ushtrinë të rekrutojë trupa rezervë

Situata e krijuar mes Ukrahinës dhe Rusisë, ka “detyruar” Ukrahinën që të dekretojë ligjin që lejon ushtrinë të rekrutojë trupa rezervë “në situatë të veçanta” pa deklaruar mobilizimin. Mediat e huaja shkruajnë se presidenti vendas Volodymyr Zelensky e bëri me dije këtë lajm para tre ditësh.

Mediat shkruajnë, duke cituar fjalët e presidentit, se në kuadër të ligjit, ushtarët rezervë mund të bashkohen shpejt me ushtrinë dhe në rast sulmi, ushtria do të rriste kapacitetin e saj luftarak.

Në fjalimin e tij në Parlament më 30 mars, Shefi i Shtabit të Përgjithshëm ukrainas Ruslan Khomcak deklaroi se Rusia bëri dërgesat ushtarake pranë kufijve të Ukrainës me pretekstin e një stërvitjeje. Lidhur me zgjidhjen e krizës në rajonin Donbas, Grupi i Kontaktit Trilateral, i përbërë nga Rusia, Ukraina dhe OSBE-ja, kishte marrë një vendim gjithëpërfshirës të armëpushimit që nga 27 korriku i vitit 2020.

Më shumë se 13.000 persona e kanë humbur jetën në përplasjet midis separatistëve pro-rusë, të cilët shpallën të ashtuquajturën pavarësi të tyre në rajon dhe qeverisë së Kievit që nga viti 2014.