Dekretohet harta e re territoriale, Shqipëria ka zyrtarisht 46 bashki nga sot

Presidenti Bajram Begaj ka dekretuar hartën e re territoriale, nga e cila Shqipëria do të ketë 46 bashki. Kreu i Shtetit e ka dekretuar projektligjin e votuar në Parlament që në datën 31 tetor, por njoftimi nuk është shpërndarë për media, por thjesht është hedhur në faqen zyrtare. 

Rreth orës 01:00 të mëngjesit të së premtes së 9 tetorit, 85 kartonë jeshilë në Kuvendin e Shqipërisë i hapën rrugën hartës së re administrativo-territoriale të Shqipërisë. Pas më shumë se 14 orësh debate, mazhoranca socialiste miratoi reformën që e ul numrin e bashkive nga 61 në 46.

Zgjedhjet vendore të vitit 2027 pritet të zhvillohen sipas hartës së re, që parashikon shkrirjen e 15 bashkive dhe bashkimin e tyre me bashki të tjera. Reforma e propozuar nga Partia Socialiste u kundërshtua nga opozita, por hasi kritika edhe brenda vetë mazhorancës. Deputeti socialist Erion Braçe e kundërshtoi ndarjen e re territoriale, por në fund votoi pro saj.