Vrasja e Pjerin Xhuvanit, prokuroria kërkon “Arrest në burg” përr 11 të akuzuarit

Prokruroria e Elbasanit ka kërkuar ditën e sotme “Arrest në burg” për Arbër Paplekaj, autorin e dyshuar të vrasjes së Pjerin Xhuvanit në Elbasan. Mbi të rëndon akuza për  vrasje, vrasje e mbetur në tentativë e punonjësve të policisë dhe heqje e lirisë me dhunë. Gjithashtu, prokuroria ka kërkuar “arrest në burg” për 11 personat të tjerë të akuzuar të përfshirë në ngjarjen e rëndë.

Ndërkohë, gjatë seancës së sotme, prokuroria deklaroi se mbi Arbër Paplekajn rëndon akuza e vjedhjes me armë, pasi pas konfliktit në Elbasan, nën kërcënimin e armës i ka marrë makinën një qytetari dhe ka udhëtuar me të drejt Tiranës, ku është vetëdorëzuar në repartin RENEA.