Ulja e rasteve me COVID-19, Brataj: Pritet tjetër lehtësim masash

Aktualitet

Ulja e rasteve me COVID-19, Brataj: Pritet tjetër lehtësim masash

Ulja e ndjeshme e rasteve me Covid, ka bërë që komiteti teknik të bëjë vlerësimin e situatës çdo javë. Shefi i urgjencës Skënder Brataj thotë se mund të kemi përsëri lehtësim masash në ditët në vijim. “Mund të ketë lirim masash edhe në javët e ardhshme” tha ai.

Dita e zgjedhjeve mund te shkaktoje grumbullime te shumta, e megjithatë nëse respektohen masat rreziku është minimal. Por ekspertet nuk e përjashtojnë një rritje të lehtë të infektimeve në fund të muajit prill.

“Zbatimi i masave, që do të jenë në organizimin e qendrave të votimit nuk mendoj se do të rrisin rrezikun e rritjes së infeksioneve.

Ndoshta do të ketë një rritje në fund të muajit, fillim të majit për arsye të përhapjes së infeksioneve, fatin e mirë dhe të keq edhe të zgjedhjeve që po bëhen, ka shumë raste kur nuk po respektohen rregullat. Por nuk do të jetë në asnjë mënyrë si vala e parë dhe e dytë që kaluam”.

Brataj thotë se për shkak të fushatës elektorale deri tani, në disa fshatra ku nuk ka pasur raste me covid, është rritur numri i infektimeve.

Vaksinimi i popullatës dhe imuniteti natyral janë arsyet kryesore te uljes së rasteve me covid. Aktualisht Shqipëria renditet e para në rajon për numrin e vaksinimeve të kryera. Deri tani janë imunizuar nga vaksinat mbi 9% e popullësisë.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion