Iu vendos tritol në portën e banesës, kush është Mateos Pashaj? 16 vite më parë vra'u një 17-vjeçar

Aktualitet

Iu vendos tritol në portën e banesës, kush është Mateos
Patosi u trondit mëngjesin e sotëm, pasi në banesën e 33-vjeçarit Mateos Pashaj u vendos lëndë plasëse. I riu, i vendosur në "arrest shtëpie", ka njoftuar sallën operative se i është dëmtuar porta rrethuese e banesës, pas shpërthimit të tritolit. 

Shpërthimi shihet si një kërcënim ndaj të riut, i cili është emër i njohur për policinë. 

Në vitin 2010, kur ishte vetëm 17 vjeç, ai është dënuar për vrasjen e 17-vjeçarit Daniel Rrapushi. Konflikti mes adoleshentëve kishte nisur për shkak të adresave në rrjetin social Facebook. 

Daniel Rrapushi u qëllua me thikë në zemër, ndërsa shoku i tij, Rauf Bregu, mbeti i plagosur me thikë nga bashkëpunëtori i autorit. 

Për ngjarjen u arrestuan katër adoleshentë, mes tyre edhe Mateos Pashaj, i cili në atë kohë ishte 17 vjeç. Ai kreu 5 vite burg, duke qenë se në kohën e kryerjes së veprës penale ishte i mitur. 

Ndërkohë, në vitin 2024, Pashaj është përfshirë në një tjetër incident, ku ka dhunuar një punonjës të sigurisë se burgut, për çka ndaj tij është caktuar masa e sigurisë “arrest në shtëpi”, nën akuzën e goditjes për shkak të detyrës. 

Policia po vijon hetimet për të përcaktuar nëse shpërthimi në banesën e tij ka qenë i qëllimshëm dhe për të identifikuar personat që qëndrojnë pas këtij akti. 

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion