Tentoi të grabisë një pikë këmbimi valutor me pistoletë lodër, kapet 16-vjeçari në Gjirokastër!

Është arrestuar autori që tentoi të vjedhë një pikë këmbimi valutor në lagjen “18 Shtatori”. Bëhet fjalë për një 16 vjeçar i cili kishte përdorur një pistoletë lodër për kryerjen e kësaj grabitjeje.

Pas kontrollit të kamerave dhe veprimeve hetimore, policia identifikoi dhe arrestoi adoleshentin me iniciale J. D., banues në Gjirokastër.  

"Policia ka sekuestruar në cilësinë e provës materiale, armën pistoletë të dyshuar lodër, e përdorur gjatë tentativës për vjedhje.

Gjithashtu u sekuestruan veshjet që ka patur autori, 3 mjete prerëse (thika), 3900 kartëmonedha dollarë të dyshuara të falsifikuara, 1 peshore elektronike, 1 maskë dhe 1 aparat metalkërkues, që u gjetën në banesën e tij", thuhet në njoftim.