Rrugorja arreston 22 persona dhe bllokon 29 mjete! Mbi 900 gjoba të vendosura në kryeqytet

Policia Rrugore e Tiranës ka intensifikuar kontrollet për menaxhimin e trafikut në rrugët e kryeqytetit.

Përmes një njoftimi zyrtar “Rrugorja” ka bërë me dije se gjatë javës që lamë pas kanë rënë në pranga 22 shoferë, ndërkohë që janë bllokuar 28 mjete.

“Kontrollet për automjetet e parkuara në mënyrë të gabuar, që zënë hapësirat në vendet e rezervuara për mjetet e transportit publik (autobusë, taksi) dhe korsi biçikletash. Për këtë shkelje, janë tërhequr me mjet ngritës 29 automjete”, thuhet në njoftimin e Policisë, ndërkohë që janë vendosur edhe mbi 900 gjoba.

Njoftimi i policisë:

Shërbimet e Komisariatit të Policisë Rrugore Tiranë, 24/7 në terren, me mjete bashkëkohore dhe patrulla shtesë, për të parandaluar aksidentet, për të konstatuar shkeljet dhe për të menaxhuar trafikun.

Si rezultat, gjatë javës që lamë pas:

39 shtetas të proceduar penalisht për shkelje të rregullave të qarkullimit rrugor/22 prej tyre të vënë në pranga;

29 mjete të bllokuara.

Të tjera fokuse të kësaj jave: kontrollet për përdorimin e kaskës mbrojtëse, nga drejtuesit e motomjeteve.

Për shkeljen e këtij rregulli janë vënë 987 masa administrative;

kontrollet për automjetet e parkuara në mënyrë të gabuar, që zënë hapësirat në vendet e rezervuara për mjetet e transportit publik (autobusë, taksi) dhe korsi biçikletash. Për këtë shkelje, janë tërhequr me mjet ngritës 29 automjete.

Kontrollet vijojnë.

Policia Rrugore apleon për të gjithë përdoruesit e rrugës, që të respektojnë rregullat e qarkullimit rrugor: të mos kryejnë manovra të rrezikshme në rrugë, si dhe të mos drejtojnë mjetin në efektin e alkoolit/në gjendje të dehur.

Gjithashtu, fton qytetarët të denoncojnë çdo shkelje të rregullave të qarkullimit rrugor, si dhe iu garanton reagim të menjehershëm dhe konform ligjit.