Përfundon sot afati i aplikimeve për kreun e BKH, disa nga EMRAT që janë në garë...

Këtë të hënë, 9 qershor 2025, pritet të përfundojë afati për aplikimet për kpostin e drejtorit të Byrosë Kombëtare të Hetimit (BKH). Aplikimet janë të hapura edhe sot deri në or1%n 16:00, pasi afati i fundit ishte e premtja, por u shty për shkak se ishte pushim zyrtar prej festës së Kurban Bajramit. 

Më herët, burimet për mediat zbuluan emrat e kandidaturave që kanë shprehur interes për kreun e BKH-së, atë të Gledis Nano dhe Joni Keta, ndërsa ditën e sotme pritet një njoftim zyrtar në mbyllje të afatit të aplikimeve. 

Pas kalimit në disa faza testimi dhe vlerësimi, komisioni i ngritur pranë Strukturës së Posaçme kundër Korrupsionit dhe Krimit të Organizuar (SPAK) pritet që së shpejti t’i dërgojë Këshillit të Lartë të Prokurorisë emrin e kandidatit të përzgjedhur për postin e kreut të ri të Byrosë Kombëtare të Hetimit (BKH).

Kjo fazë vjen në kuadër të përfundimit të mandatit pesëvjeçar të drejtueses aktuale të BKH-së, Aida Hajnaj, e cila do të vijojë të qëndrojë në detyrë deri më 31 gusht.

Komisioni i përzgjedhjes në SPAK përbëhet nga kreu i institucionit, Altin Dumani, si dhe prokurorët Arben Kraja dhe Behar Dibra. Pas përfundimit të procedurave të vlerësimit, emri i përzgjedhur do t’i propozohet zyrtarisht Këshillit të Lartë të Prokurorisë për emërim.