Po bënte shtesë pa leje në banesën e tij në Qeparo, arrestohet pronari  

Petraq Pali është arrestuar pasi është kapur duke shtuar një shtesë pa lejë në banesën e tij në fshatin Qeparo të Himarës. Gjatë kontrolleve për evidentimin dhe ndëshkimin e ndërtimeve pa leje, në lagjen “Megaith” në Qeparo u konstatua një objekt shtesë në banesën e Petraq Palit, i papajisur me leje ndërtimi nga autoritetet përkatëse.

Kjo bëri që pronari i banesës të vihej në pranga për veprën penale “Ndërtimi i paligjshëm”.

Materialet procedurale i kaluan Prokurorisë, për veprime të mëtejshme, për veprën penale “Ndërtimi i paligjshëm”.