Nën masën e sigurisë “arrest në shtëpi”, biznesmeni Elman Abule paraqitet në SPAK

Biznesmeni Elman Abule është paraqitur në SPAK për t’u marrë në pyetje si person në hetim për çështjen e kryebashkiakut të Tiranës, Erion Veliaj.

Abule i cili ndodhet në masën arrest shtëpiak, u shoqërua nga një oficer policie.

Abule, i cili akuzohet për pastrim parash iu zbut masa nga arrest në burg në arrest shtëpiak nga gjyqtari Engert Pëllumbi për shkak të rrethanave familjare.

Abule më herët është pyetur si person që ka dijeni, ndërsa tashmë merret në pyetje si person në hetim.