"Më pyetën për një ngjarje të vjetër", Erion Isai del nga SPAK pas një ore dëshmi

Kryetari i bashkisë së Kolonjës, Erion Isai në dalje nga Prokuroria e Posaçme tha për mediat se ka dhene sqarime shtesë në lidhje me një dosje të vitit 2023, por nuk tregoi më shumë detaje.

Ai u shpreh se në SPAK ishte në cilësinë e personit deklarues.

“Dhashë disa shpjegime shtesë nga 2023, nuk e di nëse duhet të them çështjen që isha. Dhashë disa shpjegime shtesë dhe mund te them se kam qenë person deklarues”, deklaroi Isai.

Kryebashkiaku i PS-së është pyetur dhe më herët për 3 orë nga Prokurorët e posaçëm më 30 Maj 2023.

“Është një ngjarje e vjetër, nuk ka lidhje me tenderat e bashkisë. Kam qenë i thirrur si person në dijeni për një ngjarje. 

Nuk ka lidhje me krimet zgjedhore, a lidhje me një ngjarje konkrete të para shumë kohëve, ku Bashkia nuk ka qenë e përfshirë me tender publik të drejtpërdrejtë, por si institucion që bashkëpunon dhe ka dijeni. 

I takon prokurorisë se kë po heton, unë jam pyetur si person që ka dijeni. Hetuesit ishin në humor, pse të mos jenë në humor Ishte hera e parë në Prokurori, ishte këndshëm”, ka tha ai në atë kohë pas daljes nga SPAK.