Kush është djali i ish-policit me dy mbiemra që u vra në atentat dhe që trazoi Ministrinë e Brendshme

Aktualitet

Kush është djali i ish-policit me dy mbiemra që u vra në

Dalin të tjera detaje për të shkuarën kriminale të 31-vjeçarit Tauland Gjikaj (Beqiraj) i cili u ekzekutua sot në Vlorë pranë Gjykatës së Apelit.

I riu, i cili është djali i një ish-punonjësi policie, ka qenë i përfshirë tre vite më parë, në 2018, në një përplasje të frikshme me armë zjarri kallashnikov.

Përplasja ndodhi në lagjen “28 Nëntori”, pranë Kishës Ortodokse, ku si pasojë e të shtënave me armë zjarri mbetën asokohe të plagosur tre shtetas.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Shtatë të rinj me pistoleta dhe kallashnikov qëllonin ndaj njeri-tjetrit.

Policia thoshte asokohe në njoftimin zyrtar se dy grupe personash të cilët lëviznin me 2 automjete pasi janë konfliktuar me njëri-tjetrin për motive të cilat nuk u bënë të dituara për arsye hetimore, kanë qëlluar mbi njëri tjetrin me armë zjarri.

Në 2018 Policia arrestoi shtetasit:

• Gazmir Canaj, 27 vjeç, banues në Vlorë,
• Taulant Beqiraj, 27 vjeç, banues në Vlorë,
• Eris Llanaj, 27 vjeç, banues në Vlorë,

“Si rezultat i hetimeve dhe kqyrjes së kamerave ka rezultuar se shtetasi Gazmir Canaj sëbashku me shtetasit E.M., dhe P.A., kanë shtënë me armë zjarri drejtim shtetasve Taulant Beqiraj dhe Eris Llanaj, të cilët më pas janë kundërpërgjigjur”, thoshte policia.

Edhe pse u përfshi në këtë përplasje me armë, gjykata e la jashtë qelive të paraburgimit duke caktuar masën e sigurisë “arrest shtëpie” për Taulant Beqirajn.

Në qershor të 2018-ës, Tauland Gjikaj kishte thyer masën e arrestit në shtëpi, duke qarkulluar me armë në qytetin e Vlorës. Për këtë arsye, u arrestua sërish nga policia por gjykata e shkallës së parë e la nën masën e sigurisë “arrest shtëpie”.

Ndërkohë, në shtator të vitit 2018, Gjykata e Vlorës vendosi ta rikthejë në burg Taulant Gjikajn, por i riu arriti t’i arratisej policisë, duke përfunduar në pranga në nëntor të 2019-ës.

Por lirimi i tij i kishte bërë përshtypje edhe ministrisë së Brendshme.

Në 8 gusht të vitit 2018, do të ishte zevendesministri i Brendshem Besfort Lamallari, i cili doli për të shpjeguar edhe historikun e arrestimit te ketij personi.

 

DEKLARATA E PLOTE NE 2018 E BESFORT LAMALLARI

Ministria e Brendshme dhe Policia e Shtetit janë të angazhuara në një luftë të pandërprerë kundër paligjshmërisë, kriminalitetit në tërësi dhe që nga vjeshta e kaluar me fokus të veçantë, goditjen e krimit të organizuar dhe grupeve kriminale aktive në vend apo me lidhje jashtë Shqipërisë.

Në këtë luftë, Policia e Shtetit dhe agjencitë e tjera ligj zbatuese kanë gjetur partneritetin e fortë dhe të pakufi, të agjencive të huaja ligj zbatuese, si dhe mbështetjen e gjerë të opinionit publik.

Në këtë përpjekje gjithnjë kemi besuar, me gjithë problematikat, se si pjesë të një trekëndëshi që nuk do të funksiononte pa njëra-tjetrën janë Policia e Shtetit, Prokuroria dhe Gjykata. Këtë e kemi parë si një detyrim absolut, ndaj ligjit dhe qytetarëve, pavarësisht se nuk kanë qenë të rralla rastet e pandëshkueshmërisë ndaj elementëve kriminalë nëpër gjykata, apo vendimet e zbutura karshi tyre, sidomos në rastet kur kemi pasur të bëjmë me elemente përsëritës të krimit.

Sot është sjellë në vëmendjen e medias vendimi i gjyqtares së Gjykatës së Shkallës së Parë Vlorë. Ky vendim, në kufijtë e absurdit, ka vënë në pikëpyetje gjithë luftën dhe sakrificën e bërë deri më tani. Duke pasur besimin se vendimet e gjykatave nuk janë pronë apo interes vetëm i gjyqtarit që jep vendimin, gjejmë rastin të denoncojmë me forcë dhe publikisht historikun e një personi të arrestuar 2 herë brenda pak muajve për vepra të rënda penale dhe i lënë më pas në masën “Arrest shtëpie”, megjithëse herën e dytë kishte thyer këtë masë dhe u kap me armë në makinë.

Më datë 27.02.2017, shërbimet policore të DVP Vlorë, kanë bërë arrestimin në flagrance të shtetasit Tauland Manaj (Taulant Beqiraj), 28 vjeç, banues në Vlorë, për veprën penale “Vrasje me dashje, e mbetur në tentativë, kryer në bashkëpunim” dhe “Mbajtje pa leje e armeve luftarake dhe municionit”.

Gjykata e Shkallës së Parë Vlorë me Vendimin Nr. 61 datë 02.03.2018 ka caktuar masën e sigurisë “Arrest ne burg”, për shtetasin Taulant Manaj. Me Vendimin Nr.979 datë 28.03.2018, Gjykata e Apelit Vlorë ka ndryshuar masën e sigurisë nga “Arrest ne burg”, ne masën e sigurisë “ Arrest në shtëpi “ për shtetasin Taulant Manaj. Më datë 23.06.2018, u be arrestimi ne flagrance i shtetasit, Taulant Manaj (Beqiraj) i dyshuar për kryerjen e veprave penale “Largimi i të burgosurit nga vendi i qëndrimit”, “Mbajtja pa leje dhe prodhim i armeve, armeve shpërthyese dhe i municioneve “ dhe “Prodhim dhe shitje e narkotikeve “. Me Vendim Nr. 1416 date 06.08.2018, Gjykata e Shkalles së Parë Vlorë, ka vendosur zëvendësimin e masës se sigurimit personal “ Arrest në burg” me masën e sigurisë “ Arrest në shtëpi”, për një person përsëritës dhe të njohur për rrezikshmërinë kriminale në qytetin e Vlorës.

Ky rast nuk është i vetëm. Ministria e Brendshme dhe Policia e Shtetit kanë bërë publik vendime gjykatash në kundërshtim të hapur me ligjin.

Ndaj, gjejmë rastin të denoncojmë gjithashtu vendimet, në më shumë se 18 raste, të Gjykatave të Rretheve Vlorë, Elbasan, Lezhë, Tiranë, Korçë e Shkodër, ku ndaj të arrestuarve me armë pa leje, për tentativë grabitje më armë, apo duke thyer masën e sigurisë dhe duke qarkulluar me armë në qytet, janë dhënë vendime aspak në zbatim të ligjit apo në funksion të rritjes së parametrave të sigurisë në vend: vendime arrest shtëpie, detyrim paraqitje, apo lirim të menjëhershëm nga salla e gjyqit.

Duke e konsideruar ndërtimin e shtetit ligjor dhe drejtësinë si vlera dhe destinacioni ynë i përbashkët; duke çmuar patjetër dhe bashkëpunimin e deritanishëm – me raste të padiskutueshme suksesi të përbashkët – që është vendosur mes Policisë së Shtetit dhe Prokurorisë; duke besuar në rreshtimin tone në një llogore me vendosmërinë për të luftuar pandëshkueshmërinë; në emër të Ministrisë së Brendshme dhe Policisë së Shtetit apelon institucionet përkatëse, si dhe organin e akuzës, të reagojë për të ndërtuar kulturën e barazisë para ligjit, ndëshkimin e ashpër ndaj çdo personi të përfshirë në veprimtari kriminale me rrezikshmëri të lartë shoqërore dhe sidomos ndaj përsëritësve në krim dhe atyre që janë pjesë e grupeve të strukturuara kriminale.

ME TE LEXUARAT