Ilir Meta: Vendimi për heqjen e pasaportave diplomatike për ‘Kuqezinjtë’ është absurd

Aktualitet

Ilir Meta: Vendimi për heqjen e pasaportave diplomatike për

Futbollistët e kombëtares shqiptare nuk do ta kenë më pasaportën diplomatike. Kjo sipas Qeverisë shqiptare pasi i ka mbaruar afati por ndryshe pretendohet nga disa prej tyre të cilët thonë se mbaron në vitin 2026.

Në lidhje me këtë debat ka reaguar sot edhe Presidenti Ilir Meta. Ai e ka quajtur absurd këtë vendim të Qeverisë.

"Vendimi i pabesë për ndërprerjen e vlefshmërisë së pasaportave për Kombëtaren tonë të futbollit është i paprecedent dhe një hakmarrje primitive, për shkak të qëndrimeve kritike të disa futbollistëve për sportin. Është absurde të pengohen të mbajnë pasaportë, kuqezinjtë, që e futën Shqipërinë në Europë dhe na bënë të gjithëve krenarë, ndërkohë që vazhdojnë ta mbajnë atë faqezinjtë, që na lanë jashtë Europës dhe që po na turpërojnë.

Jam i bindur se më 25 prill 2021, do të përfundojë koha e vendimeve autoritare, arrogante dhe përjashtuese.

Ky vendim i Qeverisë ende në detyrë do të përmbyset dhe nderimi për kuqezinjtë, që na çuan në Europë do të mbetet i pacenuar", ka shkruar Meta.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion