Goditi me gur xhamin e një bankomati në Korçë, arrestohet 50-vjeçari nga Puka

Aktualitet

Goditi me gur xhamin e një bankomati në Korçë, arrestohet

Një 50-vjeçar ka rënë në prangat e policisë së Korçës, pasi goditi me gur, xhamin e një bankomati të një banke të nivelit të dytë. Incidenti ka ndodhur në lagjen 9 të këtij qyteti.

“Si rezultat i veprimeve të shpejta hetimore, bazuar dhe në informacionet e siguruara në rrugë operative, specialistët për Hetimin e Krimeve të Komisariatit të Policisë Korçë identifikuan dhe arrestuan në flagrancë shtetasin V. N. alias P. N., 50 vjeç, banues në Pukë, për veprën penale “Shkatërrimi i pronës””, njofton Policia.

Nga verifikimet policisë rezultoi se 50-vjeçari ishte shpallur në kërkim nga Komisariati i Policisë Lezhë, për veprën penale “Shkatërrimi i pronës” dhe ishte proceduar penalisht disa herë, për këtë vepër penale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion