Edi Rama feston ditëlindjen! A e dini sa vjeç mbush sot kreu i qeverisë shqiptare?

Kryeministri Edi Rama ditën e sotme feston ditëlindjen e 62-të. Kreu i qeverisë shqiptare ka lindur në 4 korrik të vitit 1964.

Ai është numri një në partinë socialiste që prej vitit 2005 dhe Kryeministër i Shqipërisë që prej vitit 2013. Para zgjedhjes së tij si kryeministër, Rama ka mbajtur një numër postesh qeveritare dhe diplomatike.

Ai ka shërbyer si Ministër i Kulturës, Rinisë dhe Sporteve nga 1998 në 2000. Më pas ai u bë kryebashkiak i Tiranës për të paktën tri mandate nga viti 2000 deri në vitin 2011.

Rama u lind dhe u rrit në Tiranë. Pas diplomimit nga Akademia e Arteve në vitin 1982, punoi pedagog po në Akademi.

Nga 1993 kaloi katër vjet në Francë për të krijuar një karrierë artistike. Më pas, duke u kthyer në Shqipëri në vitin 1998, ai zyrtarisht filloi karrierën e tij politike.

Pas kësaj, ish-Kryeministri Fatos Nano e emëroi atë si ministër i Kulturës, Rinisë dhe Sporteve. Në vitin 2000, Rama kishte njoftuar synimin e tij për të kandiduar për kryetar bashkie të Tiranës. Rezultati i zgjedhjeve për kryebashkiak ishte një fitore për të, duke marrë gati 57% të votave totale.

Në vitin 2013, Rama u ftua të formonte Kabinetin e 33-të Shqiptar dhe të bëhej Kryeministër i Shqipërisë pas zgjedhjeve të 2013, ku Partia Socialiste fitoi shumicën e vendeve në kabinet. Rama është i vetmi kryeministër shqiptar që ka fituar katër mandate radhazi.