Djali 20 vjeçar gjeti prindërit pa jetë, autori i ngjarjes në Librazhd ncfare tha 2020: Po vuajmë në fukarallëk

Lumturie Bici, 50-vjeçe u gjet e vdekur pasditen e djeshme në Librazhd, pasi u vra nga bashkëshorti. Ngjarja ndodhi në Dragostunjë ku Qemal Biçi, 59-vjeç qëlloi me sëpatë gruan e tij dhe më pas vari veten në oborrin e shtëpisë.

Krimi i rëndë ndodhi pas një sherri mes çiftit, ku situata u acarua ndërsa burri mori më pas sëpatën dhe qëlloi gruan në dhomën e gjumit pas koke duke e lënë të vdekur në vend.

Pas ngjarjes së rëndë 59-vjeçari ka dalë nga banesa dhe në pjesën e pasme të saj është vetëvarur në një pemë.

Çifti i viktimave mësohet se kishin 4 fëmijë dhe trupat e pajetë u gjetën nga djali 20-vjeçar, i cili ka mbërritur në shtëpi dhe menjëherë ka lajmëruar dhe policies ndërkohë që mësohet se tre fëmijët e tjerë të çiftit jetojnë jashtë shtetit.

Policia ka nisur hetimet për zbardhjen e plotë të krimit brenda familjes ndërkohë që djali 20-vjeçar që gjeti prindërit të pajetë është në gjendje të rënduar psikologjike.

Në dhjetor, në prag të ndërrimit të viteve, autori i ngjafrjes Qemal Bici ka komentuar situatën e vështirë ekonomike, ndikuar nga pandemia e Covid-19.

“Mos të shkojë mendja se i gjithë ky popull këtu ka ardhur për të blerë, por kanë ardhur më shumë për të dalë se u mërzitën duke ndenjur në fukarallëk.

Bëj një xhiro nëpër Pazar dhe shiko a gjen njeri me çantë në dorë duke blerë për Vitin e Ri. Nuk kanë asgjë fare. Unë sot kam blerë vetëm letra për të dredhur duhan.

Ky është Viti Ri i imi, fukaralliku dhe pa bukë në shtëpi. nuk kam bukë në shtëpi,” ka thënë ai asokohe për abc.