Përplasi dy këmbësoret në vijat e bardha dhe u largua, arrestohet 27-vjecari në Lezhë

Aktualitet

Përplasi dy këmbësoret në vijat e bardha dhe u largua,

Arrestohet autori i aksidentit te ndodhur diten e sotme ne Lezhe, ku nje automjet goditi dy  kalimtare ne vijat e bardha.

Autori i ngjarjes sipas policise ishte larguar nga skena e aksidentit, nderkohe qe tashme ka rene ne pranga disa ore me vone.

Njoftimi i policise:

Rreth orës 16:30, në lagjen “Gurra” të qytetit të Lezhës, shtetasi A. J., 27 vjeç, duke drejtuar automjetin e tij, ka aksidentuar shtetaset P. D., 59 vjeçe, dhe Xh. D., 20 vjeçe, të cilat ishin këmbësore, dhe më pas është larguar nga vendi i ngjarjes.

Si pasojë e përplasjes, të dyja kanë pësuar dëmtime fizike dhe janë dërguar në spital, ku shtetasja P. D. ndodhet në gjendje të rëndë shëndetësore.

Në vijim të veprimeve hetimore, pas disa orësh, drejtuesi i mjetit, së bashku me automjetin, është shoqëruar në ambientet e Policisë, ku, pas testit të alkoolit, ka rezultuar në gjendje të dehur.

Shtetasi A. J. është arrestuar në flagrancë për veprat penale “Shkelja e rregullave të qarkullimit rrugor”, “Drejtimi i mjetit në mënyrë të parregullt” dhe “Largimi nga vendi i aksidentit”.

Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme

Ngjarja, raportimi i meparshem: Aksident në Lezhë, makina përplas kalimtaren në vijat e bardha

Një aksident i rëndë ka ndodhur pasditen  e sotme në lagjen “Gurra” të qytetit të Lezhës, ku një automjet ka përplasur një këmbësore teksa ajo po kalonte në vijat e bardha.

E dëmtuara është transportuar me urgjencë në Spitalin Rajonal të Lezhës dhe ndodhet në gjendje kritike për jetën.

Policia ndodhet në vendngjarje dhe ka nisur hetimet për zbardhjen e plotë të rrethanave të aksidentit.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion