Aksident tragj*k në Has/ Përmbyset mjeti sportiv, humb jetën 46-vjeçari, plagoset vëllai i tij

Një aksident tragjik ka ndodhur në Krumë ku si pasojë ka humbur jetën një shqiptar i Kosovës. 47-vjeçari drejtonte një mjet sportiv, i cili u përmbys aksidentalisht në livadhet e fshatit Domaj në Has.

 I lënduar ka mbetur edhe vëllai i tij, 38 vjeç, i cili ndodhet nën kujdesin e mjekëve në spitalin e Kukësit.

 Njoftimi i plotë:

Krumë/Informacion paraprak

Në livadhet e fshatit Domaj, njësia administrative Gjinaj, Has, një mjet sportiv dyshohet se është përmbysur aksidentalisht.

Si pasojë, ka humbur jetën shtetasi kosovar A. Q., 46 vjeç (drejtuesi i mjetit), ndërsa vëllai i tij, shtetasi V. Q., 38 vjeç, po merr ndihmë mjekësore në spitalin e Kukësit.

Grupi hetimor po kryen veprimet për sqarimin e plotë të rrethanave të aksidentit.