Transportonin 9 emigrantë të paligjshëm kundrejt fitimit, arrestohen 3 persona në Elbasan

Aktualitet

Transportonin 9 emigrantë të paligjshëm kundrejt fitimit,

Tre persona janë arrestuar në flagrancë në kuadër të operacionit policor të koduar “Tranzit 4”, pasi akuzohen për transportimin e paligjshëm të 9 emigrantëve të huaj.

Të arrestuarit janë tre të rinj, të moshave 25, 21 dhe 23 vjeç, banues në Korçë. Ata u kapën nga shërbimet e Sektorit kundër Krimit të Organizuar në Elbasan, duke transportuar me dy automjete 9 shtetas të huaj nga vendet e treta.

Sipas policisë, emigrantët dyshohet se kishin hyrë ilegalisht në Shqipëri përmes kufirit të gjelbër në Korçë dhe po transportoheshin drejt pikave të kalimit kufitar të Hanit të Hotit dhe Morinës.

Policia tha se vijojnë hetimet për dokumentimin e plotë të veprimtarisë kriminale dhe identifikimin e personave të tjerë të përfshirë në këtë rast.

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion