Trafik i rënduar në aksin Tiranë-Elbasan/ Qindra automjete në radhë pranë rrethrrotullimit të Bradasheshit

Me qindra automjete janë 'bllokuar' në trafik, ndërsa në terren ndodhen edhe efektivë të Policisë Rrugore, që po punojnë për menaxhimin e situatës.

Në dalje të autostradës Tiranë-Elbasan, në hyrje të rrethrrotullimit të Bradasheshit, ditën e sotme ka pasur trafik të rënduar automjetesh.

Burime për Report Tv bëjnë të ditur radhë të gjatë automjetesh po presin në trafik, të të shkuar në destinacion.

Po ashtu mësohet se Policia Rrugore ndodhet në terren, për të menaxhuar situatën dhe për të bërë të mundur zhbllokimin e qarkullimit.