Tension në stacionin e Calais në Francë, alarm për bombë dhe kaos në transportin hekurudhor

Një alarm për vendosjen e një bombe është dhënë këtë të enjte në stacionin hekurudhor të Calais, në veri të Francës, duke shkaktuar shqetësim dhe ndërprerje të përkohshme të qarkullimit hekurudhor.

Lajmi është bërë i ditur nga autoritetet lokale, të cilat kanë njoftuar për situatën përmes një deklarate të publikuar në platformën sociale X.

Sipas prefekturës së Pas-de-Calais, kërcënimi për vendosjen e një bombe ka sjellë ndërprerjen e lëvizjes së trenave në stacion, ndërsa situata mund të shkaktojë probleme në transport dhe vonesa për udhëtarët.

Njoftimi i autoriteteve ka vënë në alarm shërbimet përgjegjëse, ndërsa udhëtarët që përdorin këtë linjë hekurudhore mund të përballen me ndryshime në oraret e udhëtimit dhe pritje më të gjata deri në normalizimin e situatës.

Stacioni i Calais është një pikë e rëndësishme transporti në veri të Francës, për shkak të pozicionit të tij strategjik pranë Kanalit të La Manshit. Qyteti ndodhet rreth 34 kilometra në jug të bregdetit anglez dhe shërben si një nga pikat kryesore të lidhjes mes Francës dhe Mbretërisë së Bashkuar.

Për momentin, alarmi ka sjellë ndërprerjen e qarkullimit hekurudhor dhe pasiguri për udhëtarët, ndërsa pritet që autoritetet të japin informacione të tjera mbi zhvillimin e situatës.

Nuk ka ende të dhëna të konfirmuara nëse në stacion është gjetur ndonjë objekt i dyshimtë apo nëse bëhet fjalë për një kërcënim të rremë.