Macron lë mënjanë protokollin, i shkon në ndihmë gardistit që humbi ndjenjat

Një incident i papritur ka ndërprerë për disa çaste ceremoninë zyrtare të pritjes së presidentit të Sllovakisë, Peter Pellegrini, në Pallatin Élysée në Paris, ku ai do të zhvillonte një takim me homologun francez, Emmanuel Macron.

Një pjesëtar i Gardës Franceze të Nderit ka humbur ndjenjat dhe është rrëzuar në tokë pikërisht në momentin kur automjeti me të cilin udhëtonte presidenti sllovak mbërriti në hyrje të pallatit presidencial.

Ngjarja ndodhi gjatë ceremonisë së pritjes, në prani të zyrtarëve dhe personelit që po përgatiteshin për të mirëpritur delegacionin sllovak. Gardisti, i cili ishte pjesë e truprojës ceremoniale të nderit, u rrëzua papritur, duke tërhequr menjëherë vëmendjen e të pranishmëve.

Presidenti francez, Emmanuel Macron, reagoi menjëherë pas incidentit. Së bashku me zyrtarë të tjerë, ai u afrua drejt gardistit për të parë gjendjen e tij dhe për t'i dhënë ndihmën e parë.

Ndërkohë, pjesëtarë të stafit ndërhynë për ta larguar gardistin nga hyrja e ceremonisë së pritjes, në mënyrë që situata të menaxhohej dhe protokolli zyrtar të vijonte.

Incidenti ndodhi në një moment të rëndësishëm të vizitës së Peter Pellegrinit në Francë, ndërsa dy presidentët kishin planifikuar një takim në selinë presidenciale franceze.

Pavarësisht situatës së krijuar, vëmendja e të pranishmëve u përqendrua për disa çaste te gjendja e gardistit. Deri në informacionet e bëra publike në lidhje me ngjarjen, nuk janë dhënë detaje të mëtejshme mbi shkakun e humbjes së ndjenjave apo gjendjen e tij shëndetësore.