Aksident në autostradën e Elbasanit, plagosen nënë e bijë! Çfarë ndodhi në zonën e Dopajt?

Një aksident rrugor është regjistruar mëngjesin e kësaj të mërkure në Elbasan, ku dy persona kanë mbetur të plagosur. Ngjarja ka ndodhur rreth orës 08:45, në zonën e Dopajt, në segmentin e autostradës që lidh Tunelin e Krrabës me rrethrrotullimin e Bradasheshit.

Sipas të dhënave paraprake, në aksident është përfshirë një automjet, ku si pasojë kanë mbetur të plagosura dy persona, nënë e bijë, të cilat udhëtonin në të njëjtin mjet.

Menjëherë pas aksidentit është kërkuar ndihma e shërbimeve të emergjencës, ndërsa dy të plagosurat janë marrë nën kujdesin e personelit mjekësor. Fatmirësisht, mësohet se ato ndodhen jashtë rrezikut për jetën.

Pas ngjarjes, në vendin e aksidentit kanë mbërritur shërbimet e Policisë, të cilat po kryejnë veprimet përkatëse për të dokumentuar rastin dhe për të përcaktuar shkaqet që çuan në aksident.

Grupi hetimor po punon për zbardhjen e plotë të rrethanave, ndërsa pritet që në vijim të dalin detaje të tjera lidhur me dinamikën e ngjarjes.