Mundi Muller dhe Haalandin, Lewandowski rizgjidhet si lojtari më i mirë në Gjermani

Gjermanët kanë zgjedhur Robert Lewandowski lojtarin më të mirë i vitit. Kujtojmë se kjo është hera e dytë radhazi për 32-vjeçarin, duke i mposhtur në garë Thomas Muller dhe Erling Haalandin.

Mësohet se Lewandowski e fitoi këtë çmim për herë të parë në sezonin 2019/20, pasi e frymëzoi Bayernin drejt fitimit të tripletës.

Kontributi i tij i madh ia siguroi Bayernit titullin e nëntë radhazi në Bundesligë. Ai po ashtu ia doli ta thyejë rekordin 49-vjeçar të vjetër të Gerd Mullerit për golashënuesin më të mirë në historinë e Bundesligës.

“E di sa i madh është ky nder. Për mua është arsye për krenari dhe kënaqësi të madhe, sepse rrallë herë mund ta fitosh çmimin ‘Futbollisti i Vitit’ dy herë radhazi në Gjermani”, tha ai.