Belgjika ka në plan të nderojë Eriksen në ndeshjen me Danimarkën, ja plani prekës që kanë bërë lojtarët

Sonte Danimarka do presë Belgjikën në ndeshjen e ardhshme të Euro2020. Mësohet se lojtarët belg kanë vendosur që të nderojnë danezin, Christian Eriksen pas arrestit kardiak që pati disa ditë më parë, që desh i mori jetën.

Mësohet se Belgjika ka bërë në plan që ta nxjerrë topin jashtë fushës së lojës në minutën e 10-të. “Ne do ta nxjerrim topin jashtë fushës për të duartrokitur. Disa lojtarë tanë kanë luajtur me të. Por nesër ne do të shkojmë atje për të fituar, gjë që do të jetë e vështirë”, tha Romelu Lukaku, i cili është bashkëlojtar i Eriksenit në Inter.

Koha e nderimit të tij është zgjedhur sepse Erikseni e vesh fanellën me numrin 10 në ekipin kombëtar danez.