Situata politike në vend, Shehi: Nëse vazhdon ky sistem dhe kjo mënyrë qeverisjeje, do të kalcifikohet e keqja!

Politikani Dashamir Shehi komentoi sot situatën aktuale politike në vend.

I ftuar në një studio televizive Shehi tha se nëse Shqipëria vazhdon më të njëjtin sistem politik dhe zgjedhor, e keqja politike do të kalcifikohet.

Sipas tij, nuk ka vend për dekurajim, pasi brezi i ri i shqiptarëve mund të ndryshojë sistemin, por siç theksoi, një rindërtim i shtetit do të ishte një hap tejet i vështirë.

“Brezi i ri i Shqipërisë e ka një shans për ta ndryshuar këtë sistem. Unë kam 10 vite që e them. Nëse vazhdon ky sistem, kjo mënyrë qeverisjeje dhe ky sistem elektoral, do të kalcifikohet e keqja. Do përfundojmë me –stan. Kazakistan, Uzbekistan.

Nuk ndryshon gjë atje, po i ati dhe i biri janë.

Ne vijmë nga mentalitet lindor. Por nuk duhet të dekurajohemi. E shoh të zorshme të rindërtohet shteti shqiptar. Nëse shteti dënon një pjesë të kriminelëve, mund të qetësohe situata, Por nuk bëhet me këtë formë politike”,-tha Shehi