Shtyhet për nesër seanca për Vlora Hysenin, zbulohet arsyeja

Është shtyrë për nesër në orën 13:00 seanca për ish-drejtoreshën e Shish Vlora Hyseni në Apelin e Posaçëm ku ka ankimuar masën e sigurisë arrest në shtëpi. Shkak u bë mungesa e prokorëve të çështjes pasi bashkë me kolegë nga SPAK e GJKKO ndodhen në një fatkeqësi familjare të prokororit Sotir Kllapi të cilit i ka ndërruar jetë e ëma. 

Masën e kanë ankimuar edhe Embro Sulejmani, menaxher i agroturizmit “Kodra e Kuajve“, i dyshuar për përkrahje të autorit të krimit dhe Fatjon Kalluçi, Përgjegjës sektori në Institutin e Policisë Shkencore nën hetim për zbulim të akteve ose të dhënave sekrete.

Ish-drejtoresha e Shërbimit Informativ ankimoi masën pa mbushur ende një javë nga ndalimi i saj për veprat penale të përkrahjes së autorit të krimit dhe nxjerrjes së sekretit shtetëror.