Shqipëria merr fitore me vuajtje. 2 golat e Asllanit na japin vendin e parë në grup

Shqipëri – San Marino 2-1

Shqipëria ka marrë një fitore me vuajtje sonte duke mposhtur San Marinon me rezultatin 2-1 në ndeshjen e vlefshme për Ligën e Kombeve.

Kuqezinjtë zhvilluan një ndeshje ku objektivi kryesor ishte marrja e tri pikëve dhe ia dolën të sigurojnë suksesin përballë San Marinos.

Me këtë rezultat, Shqipëria ngjitet në vendin e parë të Grupit C1, duke lënë pas Finlandën dhe Bjellorusinë.

Fitorja i jep Kombëtares një pozicion të rëndësishëm në garën për kreun e grupit, ndërsa sfida e ardhshme do të jetë vendimtare për të përcaktuar përfundimisht renditjen.

Të dy golat e Shqipërisë u shënuan nga Kristjan Asllani.

Mbyllet gjithçka. Shqipëria fiton 2-1 dhe siguron vendin e parë në grup

Minuta 92 – Asllani shënon golin e epërsisë nga 11 metërshi.

Minuta 66 – San Marino barazaon rezultatinme Lazzari.

Minuta 45 – Mbyllet pjesa e parë 1-0 për Shqipërinë me supergolin e Asllanit.

Minuta 21 – Shtylla ndal Manajn për dyfishimin e rezultatit.

Minuta 10 – Super gol nga Kristjan Asllani pas një gjuajtje nga distanca.

Minuta 7 – Manaj tenton portën por pret portieri.

Shqipëria e nis ndeshjen me këta lojtarë:

Dajsinani, Hysaj, Gjimshiti, Ismajli, Mitaj, Pilo, Shehu, Asllani, Muçi, Manaj, Hoxha.