Shpërthimi i fuqishëm lë 15 familje në qiell të hapur në Elbasan/ Bashkia i strehon në këtë vend

Shpërthimi i fuqishëm që tronditi pasditen e sotme një pallat në Elbasan, duke i marrë jetën një personi dhe duke plagosur 10 të tjerë, ka lënë pas pasoja të rënda edhe për banorët e godinës.

Si pasojë e shpërthimit, pallati pësoi dëmtime të konsiderueshme strukturore, me shembjen e dy kateve dhe shkatërrimin e katit të pestë. Në këtë situatë, 15 familje që banonin në godinë kanë mbetur pa strehë.

Për t’u ardhur në ndihmë, Bashkia e Elbasanit ka bërë të mundur sistemimin e tyre të përkohshëm në një konvikt pranë pallatit të dëmtuar.

Ndërkaq, bëhet me dije se tre prej familjeve të prekura ndodhen aktualisht në emigrim.