“Ska gjë se ti nga Kavaja je”, Mevlani “përplaset” me Sindin

Në puntatën e së premtes, ku Murati dhe Sindi u duk se nuk do kenë më punë bashkë, Mevlani u shpreh mirë për Muratin duke thënë: “Dua ta përqafoj edhe unë Muratin”, fjali që Sindi e replikoi direkt: “Epo nga Kavaja je ti.” Atë ditë e gjithë kjo u anashkalua, ndërsa dje, konkurrenti nga Kavaja kërkoi shpjegim nga Sindi për atë që tha.

Sindi tha se nuk ka pasur qëllim ofendues dhe se nuk tha ndonjë gjë që nuk është e vërtetë.

“Pse çfarë thashë të keqe? Ti nuk je nga Kavaja? Nuk ishte me ironi dhe nuk e di pse e ke marrë për të keq?”, tha ajo, duke mos pranuar arsyen pse e ka thënë këtë gjë, por më pas i kërkoi falje të gjithë kavajsve nëse janë ofenduar nga komenti i saj.

Në debat ndërhyri edhe Bora, Lediana dhe Arjani. Të tre ata mbështetën Mevlanin, por diskutimi përfundoi pasi Sindi kërkoi falje, ndonëse nuk pranoi të ketë thënë diçka me kuptimin e keq.