Një vit torturë nga pandemia, jep dorëheqjen ministri i Shëndetësisë

Pas një viti e disa muaj pandemi botërore, ministri i Shëndetësisë i Austrisë, Rudolf Anschober mësohet të ketë dhënë dorëheqjen. Ai ka thënë se shkak është bërë stresi dhe lodhja që kjo periudhë i ka dhënë atij.

 “Në krizën më të rëndë shëndetësore në dekada, republika ka nevojë për një ministër të Shëndetësisë, i cili është 100% i aftë. Ky, aktualisht, nuk jam unë.

Kam marrë një punë shumë të bukur dhe sfiduese 15 muaj më parë. Më duket sikur nuk kanë kaluar 15 muaj, por 15 vjet”, tha ai, ndërsa theksoi se vuan me tensionin. Anschober shënoi një vit në detyrë në fillim të këtij viti.