Shqiptarët e shajnë “lopë”, Bebe Rexha i dedikon një postim në gjuhën tonë (Foto)

Bebe Rexha është një ndër këngëtaret me origjinë shqiptare, që po korr sukses në mbarë botën. Që në fillimet e saj ajo ka pranuar për origjinën dhe shpesh herë ka folur për traditat që vendi i saj ka. Po ashtu, përvec muzikës, Bebe komentohet edhe për trupin e saj.

Një vajzë e mbushur, këngëtarja nuk ka ngurruar asnjëherë të tregojë format e saj, që sipas saj janë shumë larg nga ato të modeleve, por që kjo nuk e shqetëson.

Ajo ka publikuar gjithmonë video dhe foto të trupit të saj me celulit, barkun jo të sheshtë, duke u bërë frymëzim për të gjithë ata që kanë pasiguri për trupin. Por, jo të gjithë e kanë mbështetur.

Së fundmi ajo ka publikuar një video me bikini, ku tregon trupin e saj. Në mesin e komentuesve, janë edhe shumë shqiptarë që e quajnë “lopë”, komente që nuk i kanë shpëtuar Bebes.

Në një postim në Instastory, shqiptarja ka shkruar: Në vend që ta ngremë njëri- tjetrin, ne e ulim.” Shkrimi ishte në shqip, në dialektin e shqiptarëve të Maqedonisë.