"Moment i shkëputur nga konteksti", Genta Gjalpi reagon pas publikimit të VIDEOS ku dukej se ushtronte dhunë ndaj vajzës së partnerit

Showbiz

"Moment i shkëputur nga konteksti", Genta Gjalpi reagon pas

Pas publikimit të një videoje shqetësuese në rrjet, ku ish-banorja e “Big Brother Albania”, Genta Gjalpi, shihej duke u sjellë në mënyrë agresive me një vajzë të mitur, ka ardhur edhe reagimi i saj i parë.

Pamjet që kanë bërë xhiron e rrjetit tregonin Gentën duke kapur nga flokët një vajzë në një ambient publik, për të cilën burime jozyrtare pretendojnë se është vajza e bashkëshortit të saj nga një marrëdhënie e mëparshme.

Ngjarja ka shkaktuar reagime të ashpra në rrjetet sociale, dhe në mënyrë të menjëhershme ka folur edhe nëna biologjike e vajzës, e cila u shpreh se do ta çojë çështjen deri në fund dhe do kërkojë drejtësi për të bijën.

Reagimi i Gentës ka ardhur përmes një postimi në Instagram, ku ajo ka shpërndarë një mesazh të shkruar nga një mikesha e saj.

Në reagimin e saj, të cilin genta e mbështet thuhet:

“Një moment i shkëputur nga konteksti nuk tregon të vërtetën.

Shoqja ime, Genta, po përpiqej të ndalonte një fëmijë që po vraponte drejt rrugës – një reagim instinktiv, mbrojtës dhe plot përgjegjësi.

Genta është një grua e përkushtuar ndaj fëmijëve dhe kujdesit për moshën e tretë.”

Mikesha e Gentës kërkon gjithashtu që publiku të tregojë kujdes me gjykimet e nxituara, duke theksuar fuqinë dhe përgjegjësinë që mbartin rrjetet sociale.

Derisa situata të qartësohet plotësisht nga autoritetet përkatëse, reagimet në rrjet mbeten të ndara: disa e shohin videon si të pakundërshtueshme, ndërsa të tjerë kërkojnë më shumë informacion për të kuptuar rrethanat reale të ngjarjes.

 

 

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion