Sherr për 600 mijë lekë në Tiranë, i riu kërc'ënon me ar'më 31-vjeçarin , arrestohet në Tiranë
Një konflikt për një borxh prej 600 mijë lekësh ka përshkallëzuar në kërcënime me armë zjarri në Tiranë. Një 20-vjeçar, i identifikuar si Daniel Damzi, dyshohet se ka kërcënuar me pistoletë një 31-vjeçar, duke i kërkuar t’i kthente shumën që pretendonte se i kishte borxh. Pas kallëzimit të të dëmtuarit, policia ka organizuar operacionin e koduar “Pretendimi”, duke arrestuar të riun.
Gjatë kontrollit në banesën e tij, uniformat blu gjetën dhe sekuestruan pistoletën me të cilën dyshohet se është kryer kanosja, municion luftarak dhe një sasi kokaine. Për të njëjtin konflikt është proceduar penalisht edhe babai i 20-vjeçarit, 45 vjeç, i cili dyshohet se e ka kanosur me fjalë 31-vjeçarin.
Njoftimi i plotë i Policisë:
Tiranë/Finalizohet nga Komisariati Nr. 3, operacioni i koduar “Pretendimi”.
Kanosi me armë zjarri, një shtetas, për t’i marrë borxhin, arrestohet 20-vjeçari.
Procedohet penalisht, gjithashtu për kanosje, babai i tij.
Sekuestrohen pistoleta me të cilën dyshohet se u krye kanosja, municion luftarak dhe sasi Kokaine.
Si rezultat i veprimeve të shpejta operacionale të kryera nga shërbimet e Komisariatit të Policisë Nr. 3, për administrimin e kallëzimit të një 31-vjeçari, se ishte kanosur me armë zjarri, për dhënien e një shume parash, u finalizua operacioni i koduar “Pretendimi”, gjatë të cilit u vu në pranga shtetasi D. D., 20 vjeç, banues në Tiranë.
20-vjeçari dyshohet se ka kanosur me armë zjarri, 31-vjeçarin, për t’i marrë 600 000 lekë që pretendon se ky i fundit ia ka borxh. Nga kontrolli në banesën e shtetasit të arrestuar, u gjetën armë zjarri (pistoletë) me municion dhe sasi lënde e dyshuar narkotike Kokainë.
Në vijim të veprimeve hetimore dhe procedurale për rastin, nisi procedimi në gjendje të lirë, për babanë e 20-vjeçarit, shtetasin Sh. D., 45 vjeç, pasi dyshohet se ka kanosur me fjalë, 31-vjeçarin, për të njëjtin motiv.
Në drejtimin e Prokurorisë, vijon hetimi për të sqaruar të gjitha rrethanat e këtij rasti.
Materialet procedurale iu referuan Prokurorisë, për veprime të metejshme.


