Zgjedhjet e 25 prillit, KQZ miraton rezultatin në Kukës, fituese PD me 62.27% të votave

Ditën e sotme, Komisioni Qëndror i Zgjedhjeve ka miratuar rezultatin e zgjedhjeve për qarkun e Kukësit, si për subjektet politike, ashtu edhe për kandidatët. KQZ bën me dije se PD në Kukës mori 2 mandate nga 3, dhe 62.27% të votave. Nga ana tjetër, PS mori 1 mandat dhe 35.84 % të votave.

Mësohet se gjatë mbledhjes nuk pati asnjë kundërshtim nga përfaqësuesit e partive politike për rezultatin.

Lidhur me deputetët e përzgjedhur, në PD fitoi Flamur Hoxha dhe Isuf Çelaj ndërsa nga PS deputete doli Genta Duraku.