Yuri Kim nga Durrësi: Kemi pjesëmarrje të lartë, drejtuesit politikë të presin gjykimin e popullit

Ambasadorja e SHBA-ve, Yuri Kim, bashkë me ambasadorin e BE, Luigi Soreca kanë bërë një deklaratë për mediat, nga qyteti i Durrësit, ku kanë monitoruar situatën. Fjalën si fillim e mori Yuri Kim, e cila tha se pjesëmarrja e votuesve është e madhe.

 “Kemi parë pjesëmarrje të lartë. Kjo tregon se Qytetarëve shqiptarë iu intereson vendi i tyre. Janë raportuar disa incidente dhe është përgjegjësi e autoriteteve të hetojnë. Ne e kemi bërë shumë të qartë që të hetohen çështjet deri në fund. Qytetarët janë duke përmbushur detyrën e tyre. Autoritetet janë duke bërë detyrën e tyre. Tani ka ardhur koha që kandidatët dhe drejtuesit politikë të presin për rezultatet dhe të presin gjykimin e popullit”, tha ambasadorja Kim.