Votimi për Metën, Alimadhi kërkon raportin e firmosur nga eksperti

Deputeti i opozitës, Adriatik Alimadhi ka kërkuar sot që të njihet me detaje nga raporti i miratuar nga Komisioni Hetimor për Shkarkimin e presidentit Ilir Meta.

Gjatë fjalës së tij Alimadhi kërkoi që të njihet me konstatimin e ekspertit ligjor mbi shkeljet e presidentit.

Alimadhi: E dëgjuam raportin e kryetarit dhe në thelb të këtij raporti është marrja e ekspertit ligjor. Nuk e di nëse raportin e ka komisioni. Do të kërkoja raportin e firmosur nga eksperti. Nëse është, do ta kërkoja. Pyetja që kam me raportin, doja të dija licensimin e ekspertit ligjor që ka ushtruar këtë të drejtë.

Hysi: Në raport i keni të gjitha dhe përgjigjet e pyetjeve tuaja. Kjo është procedurë që rregullohet në procedurën ligjore. Nëse nuk e keni kuptuar raportin, mund të flas.

Hyseni: në raport është specifikuar. I jemi referuar ekspertit. Është e drejtë që i është referuar ligjit, është vendimi përkatës. Në dosje është dhe vendimi për caktimin e ekspertit. Eksperti është gjë tjetër, dhe eksperti ligjor është diçka tjetër.

Alimadhi: Unë nuk jam mësuar kështu. Nëse kjo përbën problem që ju do të edukoni mua, e pranoj këtë. Unë do votoj shkarkimin e presidentit, por si ka mundësi që këta deputetë mos të keni një raport të një eksperti që tregon shkeljet. Unë dua të ndërgjegjësohem me aktet me të cilat i keni në raport. A do që të votoj unë? Nga momenti që duhet të votojë, duhet të krijojë bindjen e plotë që presidenti të shkarkohet për këtë shkelje. Nga momenti që do të shkojë në Gjykatën Kushtetuese, do të duhen këto procedura. Më duket se po e ndihmoj komisionin në këtë rast. Më jepni materialin.

Hysi: Zoti Alimadhi, komisioni sjell raportin. Të gjitha aktet kanë të administruara dhe asnjë deputet nuk është i ndaluar që të shkojë tek sekretaria e komisionit dhe të lexojë raportet. Ato nuk mund t’i aksesoni nëse nuk keni certifikatën e sigurisë. Ju keni akses që t’i lexoni. Kjo nuk është për të dhënë mësim apo leksion, por t’ju sqaroj.