Thumba për Bashën? Rama: Politikani mendon për zgjedhjet e ardhshme, shtetari për brezat

Të kthyer së fundmi në rutinë, kryeministri Edi Rama ka ndarë mbrëmjen e kësaj të diele një tjetër thënie në rrjetet sociale, ndoshta drejtuar kreut të PD-së, Lulzim Bashës. 

Thëniet e kreut të ekzekutivit shpesh përcjellin mesazhe të koduara, ndërsa sonte ka zgjedhur një frazë nga Alcide De Gasperi.

“Politikani mendon për zgjedhjet e ardhshme, shtetari për brezat e ardhshëm,” shkruhet në postimin e kryeministrit, të titulluar “fjalët e mbrëmjes”. Këto mesazhe vijnë pas fitores së zgjedhjeve të 25 prillit që i dha Ramës mandatin e tretë si kryeministër.