“Ramës i nxorën kartonin e zi në Bruksel”, Berisha thirrje për pjesëmarrje masive në protestë: Do jetë uragani i shpresës

Politikë

“Ramës i nxorën kartonin e zi në Bruksel”, Berisha

Pak orë para protestës kombëtare të thirrur nga opozita, kryetari i PD-së, Sali Berisha doli sërish në një konferencë për shtyp për të bërë thirrje për një pjesëmarrje sa më të madhe.

Ai tha se sot vendi është në një nga momentet e tij më kritike.

“Pak orë na ndajnë nga uragani i madh i shpresës dhe fitores së opozitës dhe kombit shqiptar. Unë erdha përsëri t’u drejtoj thirrjen time si shqiptari-shqiptarit, si qytetari-qytetarit, të bashkohemi sot në bulevardet dhe rrugët e Tiranës në një nga momentet më kritike të historisë tonë”, deklaroi Berisha.

Kreu i PD-së nuk la pa komentuar edhe takimin informal të një dite më parë në Bruksel të kryeministrit Rama me Presidentin e Këshillit të BE-së, Antonio Kosta.

“Sot në Bruksel përfaqësuesit e vendeve më të mëdha të Europës patën para tyre narko-diktatorin e parë të kontinentit, Edi Ramën. Patën para tyre njeriun që për vjedhjet e tij dhe organizatës kriminale, është i aftë dhe i gatshëm në papërgjegjshmëri të plotë, të shkelmojë dhe interesat më jetike të Shqipërisë dhe shqiptarëve. Patën para tyre njeriun, i cili i detyroi përfaqësuesit e vendeve kryesore të BE t’i nxjerrin jo kartonin e kuq, por kartonin e zi”, u shpreh lideri i opozitës.

 

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion