Rama i shkon në shtëpi ish-presidentit francez Nicolas Sarkozy: Me një mik special

Kryeministri Edi Rama gjatë vizitës së tij në Francë duket se ka zhvilluar një vizitë në shtëpinë e ish-presidentin Nicolas Sarkozy.

Rama përmes një postimi në rrjetin social Facebook shkruan se ka shkuar dhe takuar në shtëpinë e tij në Paris Sarkozy.

Ndër të tjera në postimin e tij ai thekson se është privilegj që të konsultohet me të për sfidat e Shqipërisë dhe të gjithë rajonit në BE.

“Me një mik special në shtëpinë e tij në Paris, presidentin Nicolas Sarkozy, me të cilin kam privilegjin të këshillohem për sfidat e Shqipërisë dhe rajonit tonë, në rrugën e zhvillimit ekonomik e social, e të integrimit europian ”, shkruan Rama.