Përfundon numërimi në Përmet, fiton me 3.466 vota Partia Socialiste

Përmeti ka votuar me 3.466 vota Partinë Socialiste, duke e bërë fituese në këtë bashki. Lajmi u bë me dije nga Komisioni Qëndror i Zgjedhjeve, ku njoftuan se pak minuta më parë përfundoi numërimi i 46 kutive.

Sipas KQZ, PS ndiqet nga Partia Demokratike, me 1.939 vota, ndërsa Lëvizja Socialiste për Integrim “shpallet” forcë e tretë, me 527 vota.

Më herët, ka përfunduar numërimi në disa zona në jug të vendit, ku PS ka dalë fituese. Ndërkohë, PD u shpall fituese në Has të Kukësit.