Përfundon numërimi në Bashkinë e Korçës, Salianji kandidati më i votuar

Në Bashkinë e Korçës numërimi është në përfundim, ku mësohet se Ervin Salianji, kandidati i tretë në listën e Partisë Demokratike në Korçë ka rezultuar të jetë kandidati më i preferuar nga qytetarët dhe demokratët.

Nga 18.263 vota që Partia Demokratike mori në bashkinë e Korçës, 4913  vota preferenciale kanë shkuar për kandidatin Ervin Salianjin, duke e vendosur atë në krye të listës së kandidatëve më të preferuar. Salianji ndiqet nga Andrea Mano me 4548 vota dhe i treti nënkryetari i PD, Edmond Spaho me 1900 vota.

Ervin Salianji gjithashtu udhëheq betejën e votave preferenciale edhe në Qarkun Korçë. Sot ka filluar numërimi në Bashkitë Pogradec dhe Maliq.