Berisha i shkoi në zyrë Bashës pas votimit, Kadilli: Gabim i qëllimtë

Politikë

Berisha i shkoi në zyrë Bashës pas votimit, Kadilli: Gabim i

Fatbardh Kadilli, i cili kandidoi për kreun e Partisë Demokratike, nuk u surprizua nga fitorja e Lulzim Bashës. Ky i fundit arriti të marrë 81% të votave të anëtarësisë, duke siguruar kështu mandatin e tretë në krye të kësaj partie.

I ftuar në edicionin qendror të lajmeve në “Vizion Plus”, Kadilli tha se gara nuk ishte e barabartë.

“Unë kam qenë i qartë për këtë pabarazi, por kjo nuk më tremb. Në një garë nuk ka barazi absolute.  Manifesti im politik është platforma më e plotë dhe gjithëpërfshirëse që politika shqiptare ka parë në këto 30 vjet.”

Merr lajme ekskluzive në Viber

Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.

Sa i përket takimit në selinë blu të Berishës me Bashën menjëherë pas votimit, Kadilli e quajti një “gabim të qëllimtë”.

“Nëse nuk kanë qenë vetëm, nuk ka asgjë për të thënë. Nëse kanë qenë vetëm për vetëm, është një vendim i pakujdesshëm, por Berisha nuk bën gabime të tilla; është një gabim i qëllimtë. Por unë kam dëgjuar edhe variantin tjetër, që ata kanë qenë nën shoqërinë e njerëzve të tjerë.”

Sipas tij, gara brenda PD-së iu kujtoi demokratëve që partia nuk është ekskluzivitet i një personi.

“Unë kam aksionin tim politik, i cili është ringritja e PD. Për këtë, kam propozuar: manifestin politik. Në dy mandatet e tjera e kam ndihmuar Bashën si bashkëpunëtor, sot do ta ndihmoj si partner”, tha Kadilli në mbyllje të bisedës.

ME TE LEXUARAT