Shqiptari i akuzuar për vra'sje në Shqipëri arrestohet në kufirin Francë-Spanjë

Një shtetas shqiptar, rreth 30 vjeç, është arrestuar më 1 nëntor 2026 në zonën kufitare mes Francës dhe Spanjës, në sektorin e La Jonquera-s.

Ai ishte shpallur në kërkim ndërkombëtar, pasi dyshohet për përfshirje në një vrasje të kryer në Shqipëri.

Sipas mediave spanjolle, arrestimi u krye pas një kontrolli nga autoritetet franceze.

Gjatë verifikimit të dokumentacionit dhe të dhënave të tij, policia konstatoi se ndaj shqiptarit ishte lëshuar një urdhër-arresti ndërkombëtar për lidhjen e dyshuar me një ngjarje kriminale në vendin e origjinës.

Pas identifikimit, autoritetet franceze bashkëpunuan me homologët spanjollë, të cilëve u dorëzuan të dyshuarin në kuadër të mekanizmave të bashkëpunimit policor ndërkombëtar.

Çështja i është përcjellë Gjykatës Kombëtare të Spanjës, e cila është përgjegjëse për trajtimin e procedurave që lidhen me urdhrin ndërkombëtar të arrestit.

Pas daljes përpara gjykatësit, 30-vjeçari është dërguar në burgun Puig de les Basses, në Figueres, ku do të qëndrojë deri në përfundimin e procedurave ligjore për ekstradimin e tij drejt Shqipërisë.