Ambasada amerikane i jep lamtumirën Yuri Kim, e mbushin me dhurata simbolike

Ambasada amerikane në Tiranë  i ka dhënë lamtumirën Yuri Kim si kryediplomate e SHBA-ve në vendin tonë. Në faqen zyrtare të ambasadës tregon dhe dhuratat me të cilat po e përcjell stafi i saj ish-ambasadoren tashmë.

Lamtumirë Ambasadore Kim!

Komuniteti i ambasadës u mblodh këtë javë për t'i thënë lamtumirë Ambasadores Yuri Kim teksa ajo niset nga Shqipëria për detyrën e saj të radhës në Uashington DC.

Stafi amerikan dhe shqiptar ndanë vlerësimet për ambasadoren për përpjekjet e saj për të çuar përpara marrëdhëniet dypalëshe mes Shteteve të Bashkuara dhe Shqipërisë, udhëheqjen e saj dhe për dhembshurinë dhe kujdesin e saj për punonjësit e Ambasadës së SHBA në Tiranë.

Stafi i dhuroi ambasadores një flamur të veçantë shqiptar dhe një album fotografik nga këto tre vjet e gjysmë të saj në Shqipëri. Detashmenti i Gardës së Marinës të Shteteve të Bashkuara i dhuroi ambasadores flamurin amerikan që valonte nga shtiza e flamurit të ambasadës