Përplasja me studentët, Rama i bën thirrje për të disatën herë për dialog, vendos stol guri te kryeministria

Kryeministri Edi Rama i është rikthyer sërish sot çështjes së protestës, duke u dërguar një tjetër ftesë publike studentëve për t'u ulur në tryezën e dialogut.

Përmes një postimi në rrjetet sociale, kreu i qeverisë thekson se dialogu mbetet e vetmja rrugë për të adresuar dhe zgjidhur çështjen e ngritur prej tyre.

Duke përsëritur thirrjen për të disatën herë, Rama u bën thirrje të rinjve që të lënë mënjanë bojkotin dhe të bëhen bashkë për të çuar para kërkesat e tyre përmes diskutimit institucional.

Ai here pas here ka nënvizuar se dyert e qeverisë janë të hapura për çdo sugjerim apo paketë ndryshimesh që vjen nga baza e studentëve.

Ndërkohë, ky qëndrim i përsëritur vjen në një kohë kur situata në universitete vijon të mbetet e tensionuar për shkak të mosmarrëveshjeve mes palëve. Mbetet për t'u parë nëse kjo thirrje e radhës do të gjejë më në fund një reagim zyrtar nga ana e përfaqësuesve të protestës.

"Mirëmëngjes", shkruan kryeministri krahas videos.