Kryemadhi për videot virale: Fatkeqësi e madhe që askush nuk merret me taksat dhe çmimet e larta

Monika Kryemadhi ka reaguar lidhur me publikimin e videove intime të grave dhe vajzave, duke dënuar regjistrimin dhe shpërndarjen e tyre pa pëlqim.

Kryemadhi tha se këto raste i kanë lënë një shije të hidhur dhe shprehu solidaritet me gratë që janë bërë viktima të publikimit të videove. “Personi që i ka regjistruar dhe filmuar ka bërë një veprim të ulët. E dënoj me forcë”, u shpreh ajo.

Kryemadhi theksoi se jeta private e individëve nuk duhet të kthehet në objekt gjykimi publik, ndërsa kritikoi mënyrën se si trajtohen këto raste.

Nuk ka rëndësi çfarë bën njeri në dhomën e gjumit. Mënyra se si ne gjykojmë problematikat dhe të shqetësohesh për videot plus 18 dhe jo për papunësinë apo largimin e shtresave të reja, është problem”, deklaroi Kryemadhi.

Ajo shprehu keqardhje për gratë që janë prekur nga publikimi i videove dhe kritikoi drejtuesit që, sipas saj, janë përfshirë në këto raste.